એલોન મસ્કથી માર્ક ઝકરબર્ગ સુધી, આ છે વિશ્વના 10 સૌથી ધનિક વ્યક્તિઓ

વિશ્વના ટોચના અબજોપતિઓની સંપત્તિમાં ઓગસ્ટ દરમિયાન મોટા ફેરફારો જોવા મળ્યા છે. Forbesની 1 સપ્ટેમ્બર 2026ના આંકડા આધારિત યાદી મુજબ Tesla અને SpaceX સાથે જોડાયેલા Elon Musk $892 અબજની સંપત્તિ સાથે વિશ્વના સૌથી અમીર વ્યક્તિ તરીકે પ્રથમ સ્થાને યથાવત છે. અહેવાલ મુજબ ઓગસ્ટમાં Muskની સંપત્તિમાં જ $202 અબજનો વધારો થયો. આ વધારાને SpaceXના શેરના મૂલ્યાંકનમાં 33% અને Teslaના શેરમાં 18%ના ઉછાળા સાથે જોડવામાં આવ્યો છે.

Larry Page બીજા સ્થાને

Googleના સહ-સ્થાપક Larry Page $277 અબજની સંપત્તિ સાથે બીજા ક્રમે છે. જોકે ઓગસ્ટમાં તેમની સંપત્તિમાં આશરે $15 અબજનો ઘટાડો થયો હતો. તેમના સાથી Google સહ-સ્થાપક Sergey Brinની સંપત્તિ પણ $13 અબજ ઘટીને $256 અબજ રહી અને તેઓ ચોથા સ્થાને છે.

Jeff Bezos ત્રીજા નંબરે

Amazonના સ્થાપક Jeff Bezos $268 અબજની સંપત્તિ સાથે વિશ્વના ત્રીજા સૌથી અમીર વ્યક્તિ છે. અહેવાલ મુજબ ઓગસ્ટમાં Bezosની સંપત્તિમાં આશરે $10 અબજનો ઘટાડો થયો હતો.

Michael Dell પાંચમા, Zuckerberg છઠ્ઠા

Dell Technologiesના Michael Dell $241 અબજ સાથે પાંચમા સ્થાને છે. ઓગસ્ટમાં તેમની સંપત્તિમાં આશરે $12 અબજનો વધારો થયો. Metaના Mark Zuckerberg $197 અબજની સંપત્તિ સાથે છઠ્ઠા ક્રમે છે.

Larry Ellisonને $25 અબજનો ફાયદો

Oracleના સહ-સ્થાપક Larry Ellisonની સંપત્તિમાં ઓગસ્ટ દરમિયાન $25 અબજનો વધારો થયો અને તેઓ $193 અબજ સાથે સાતમા સ્થાને પહોંચી ગયા. Nvidiaના Jensen Huang $191 અબજ સાથે આઠમા સ્થાને છે. તેમની સંપત્તિમાં પણ $17 અબજનો વધારો થયો હોવાનું અહેવાલમાં જણાવાયું છે.

Steve Ballmerની ટોચના 10માં એન્ટ્રી

Microsoftના પૂર્વ CEO Steve Ballmer $155 અબજની સંપત્તિ સાથે નવમા સ્થાને પહોંચી ગયા છે. ઓગસ્ટમાં તેમની સંપત્તિમાં આશરે $10 અબજનો વધારો થયો. Zaraની મૂળ કંપની Inditexના સહ-સ્થાપક Amancio Ortega $148 અબજ સાથે દસમા સ્થાને આવ્યા છે. તેમના પ્રવેશથી Bernard Arnault ટોચના 10ની બહાર થયા.

વિશ્વના 10 સૌથી અમીર લોકો

અબજોપતિઓની સંપત્તિ મુખ્યત્વે તેમની કંપનીઓના શેર અને ખાનગી હિસ્સેદારીના મૂલ્યાંકન સાથે જોડાયેલી હોવાથી આ આંકડા બજારના ભાવ પ્રમાણે સતત બદલાતા રહે છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: ટ્રમ્પના ટેરિફ સામે કેનેડાએ 600થી વધુ વસ્તુઓ પર 50% સુધી ટેરિફ લાદ્યો